Տիգրանակերտում ձերբակալված անգլիացի լրագրողներն արտաքսվել են Թուրքիայից

Ներկայիս Թուրքիայի տարածքում գտնվող հայկական Տիգրանակերտ քաղաքում ձերբակալված` անգլիական Vice News լրատվական հեռուստաընկերության լրագրողներ Ջեյք Հանրահանին և Ֆիլիպ Փենդլբարիին արտաքսել են երկրից:

Ըստ AA-ի՝ ազատ արձակվելուց հետո նրանք Ադանայից մեկնել են Գերմանիա:

Հիշեցնենք, որ նախորդ ամիս Տիգրանակերտ քաղաքում ձերբակալվել էին անգլիական Vice News լրատվական հեռուստաընկերության լրագրողներ Ջեյք Հանրահանը և Ֆիլիպ Փենդլբարին, ինչպես նաև նրանց ուղեկցող թարգմանիչը, ովքեր լուսաբանում էին Սիլվան և Լիջե շրջաններում հայտարարված պարետային ժամի դեմ իրականացվող բողոքի ակցիան: Նրան հետագայում մեղադրվեցին ահաբեկչական կազմակերպությունների՝ ԻՇԻՊ-ի, ինչպես նաև Թուրքիայում ահաբեկչական համարվող ՔԲԿ-ի օգտին գործունեություն ծավալելու մեջ:

Vice News-ը քննադատել էր Թուրքիային` իր թղթակիցներին ձերբակալելու համար: