Երեկ գիշեր Բաքվում ձերբակալված` Meydan TV-ի 3 լրագրողներն ազատ են արձակվել

Երեկ գիշեր Բաքվում ձերբակալված` Meydan TV-ի աշխատակիցներ Սևինջ Վագիֆգիզին, Այթեն Ֆարհադովան և Իզոլդա Աղաևան ազատ են արձակվել Ադրբեջանի ՆԳՆ-ի կազմակերպված հանցավորության դեմ պայքարի վարչությունից. հայտնում է contact.az-ը:

Թեև նրանք բերման էին ենթարկվել գիշերը, նրանց հարցաքննել էին միայն կեսօրին։ Վագիֆգիզին պատմել է, որ իրենց հարցաքննել են Մինգեչաուրի դեպքերի և Meydan TV-ի գործունեության մասին: 

Հիշեցնենք, որ անցյալ շաբաթվա ընթացքում Բաքվում 4 լրագրող էր ձերբակալվել:

Սեպտեմբերի 17-ին ադրբեջանական Meydan TV-ի լրագրող Շիրին Աբասովը 30-օրյա վարչական կալանքի տակ է վերցվել: Տեղեկություն էր տարածվել նաև Meydan TV-ի երկու լրագրողուհիների ձերբակալության մասին: Նրանց ժամեր անց, սակայն, ազատ էին արձակել: