Ադրբեջանցուն անգլիացի ներկայացրած ադրբեջանական հեռուստաընկերությունն արդարանում է

Օրերս ադրբեջանական  «Լիդեր» մասնավոր հեռուստաընկերությունը հարցազրույց էր հեռարձակել մի մարդու հետ, ով ներկայացել է որպես Ջեյմս Բոնար և վատ անգլերենով պատմել, թե անգլիացի զբոսաշրջիկ է և Մինգյաչևիր է ժամանել Լոնդոնից: Հաղորդումը նվիրված է եղել Եվրոպական խաղերին: Ավելի ուշ պարզվել է, սակայն, որ իրականում հարցազրույց տվողը Ջեբրայիլից տեղահանված Սեյմուր Սաֆարովն է: Կատարվածը աղմուկ է բարձրացրել սոցցանցերում: 

«Լիդեր» հեռուստաընկերության  սոցիալական և մշակութային բաժնի  եկավար Էլնուր Նիֆթալիևը ասել է, որ հարցազրույցների համար պետք է մեղադրել ոչ թե հաղորդումը պատրաստողներին, այլ այդ անձնավորությանը, ով դիմել է սադրանքի: Նա նաև զարմացել` ինչո՞ւ է սա քննարկման առարկա դարձել: «Մեր լրագրողները ժամանակ չեն ունեցել ԴՆԹ-ի անալիզ վերցնել հարցազրույց տվողից կամ բնակության վայրի փաստաթղթեր ստուգել»,- ասել է Նիֆթալիևը: