Լեհաստանում ոսկով բեռնավորված նացիստական զրահագնացք են հայտնաբերել

Լեհական լրատվամիջոցները հայտնում են երկրի տարածքում անհավանական գտածոյի մասին:  Երկու տղամարդ`լեհ եւ գերմանացի, Երրորդ ռեյխի ժամանակաշրջանի զրահագնացք են հայտնաբերել` ոսկով բեռնավորված: 

Ենթադրվում է, որ դա 1945 թվականին Վրոցլավի մոտ անհետացած գնացքն է:  Բացի ոսկուց գնացքում եղել են զարդեր եւ զինամթերք: Իրենց գտածոյի մասին լեհ եւ գերմանացի տղամարդիկ հայտնել են Վալբժիխ քաղաքի  իրավաբանական կազմակերպությանը. Նրանք պահանջում են գտածոյի` օրենքով նախատեսված 10 տոկոսը:

Նշվում է, որ գնացքում կարող է լինել շուրջ 300 տոննա ոսկի:  Մինչդեռ քաղաքային իշխանությունները թերահավատորեն են մոտենում այդ լուրերին. չնայած դրան`  գանձերի ենթադրյալ վայր` գնացքի թունել  են ուղարկվել զինվորականներ եւ ոստիկաններ: