Բելգիական պետական կայքը Իսրայելը համեմատել է նացիստական Գերմանիայի հետ

Բելգիայի կրթության նախարարության կայքում` KlasCement.be, Իսրայելը համեմատել են նացիստական Գերմանիայի հետ. տեղեկացնում է mignews.com-ը` վկայակոչելով հրեական Joods Actueel թերթը:

Կայքում տեղադրված է եղել ծաղրանկար` հրեան` կախված համակենտրոնացման ճամբարի փշալարերից, կողքին` պաղեստինցի, եւ նրանց մարմինները խորհրդանշում են նացիստական սվաստիկան: Հրեայի պատկերի կողքին գրված է` «Այլեւս երբեք», պաղեստինցու կողքին` «Դարձյալ»: Ծաղրանկարի հեղինակը բրազիլացի նկարիչ Կառլոս Լատուֆն է:

Նախարարությունը չկ պատասխանել թերթի ներկայացուցիչների հարցերին, սակայն թերթի հրապարակումից հետո ծաղրանկարը կայքից հանվել է: