«Ժառանգություն»-ը նոր առաջարկներով հանդես չի գա

«Ժառանգություն» կուսակցության փոխնախագահ Արմեն Մարտիրոսյանը yerkir.am-ի հետ զրույցում նշեց, որ սահմանադրական բարեփոխումները եկան ապացուցելու իրենց կուսակցության այն տեսակետը, որ նոր Սահմանադրությունը միտված է այս իշխանությունների և Սերժ Սարգսյանի վերարտադությանը:

«Հրապարակումից հետո պարզ դարձավ, որ սա պառլամենտարիզմի հետ բացարձակ առնչություն չունի, սա միահեծան, միակուսակցական կառավարման համակարգ ստեղծող փաստաթուղթ է, ուստի և բոլոր այն անձինք, ովքեր կողմ են Հայաստանի անկախությանը, ինքնիշխանությանը, պետք է պայքարեն այս Սահմանադրության դեմ»,- ասաց Մարտիրոսյանը` հավելելով, որ իրենք սահմանադրական բարեփոխումների վերաբերյալ առաջարկներ արել էին, սակայն  նոր Սահմանադրության տեքստում այդ առաջարկներից որևէ մեկը չեն հանդիպել: Մարտիրոսյանը նշեց նաև, որ նոր առաջարկներով հանդես չեն գալու: