Շատ կարևոր դեր խաղաց տարրական սխալը. Վարդան Բիչախչյան

Եվրոպա լիգայի որակավորման 2-րդ փուլի Շիրակ-ԱԻԿ խաղից հետո տեղի ունեցավ Շիրակի գլխավոր մարզիչ Վարդան Բիչախչյանի մամուլի ասուլիսը:

«Խաղի սցենարը պարզ էր: դրսում պարտվել էինք 2:0 հաշվով և տանը  պետք է կարողանայինք առնվազն երկու գոլ խփել  և անառիկ պահել սեփական դարպասը, քանի որ մեր դրությունն ավելի կբարդանար գոլ ընդունելով: Խաղասկիզբը վատ չսկսեցինք, Մի քանի գոլային պահեր ստեղծեցինք, սակայն պարզ իրադրությունում մեր պաշտպանի կոպիտ սխալի արդյունքում գոլ ընդունեցինք: Նման խաղերում յուրաքանչյուր մանրուք կարող է ճակատագրական լինել: Հիմա մի փոքր հիասթափված եմ: Սպորտ է, այպիսի պահեր շատ են լինում: Շատ կարևոր դեր խաղաց մեր պաշտպանի տարրական սխալը»:

Խոսելով նախորդ խաղում կարմիր քարտ ստացած ֆուտբոլիստներին փոխարինած խաղացողների մասին մարզիչն ասաց.

«Փոխարինող տղաները հուասլի էին խաղում: Թիմի նորեկ Կաբան երկու մարզում է անցկացրել թիմում, և դեռ լիարժեք չի հարմարվել այստեղի կլիմային»-ասաց Բիչախչյանը: