Պարզունակ դիրքերում կորցնում էինք գնդակը. Վարդան Բիչախչյան

«Միկա»-«Շիրակ» խաղից հետո կայացած մամուլի ասուլիսի ժամանակ «Շիրակ»-ի գլխավոր մարզիչ Վարդան Բիչախչյանը ասաց հետևյալը.

«Աչքի չընկանք գոլային պահերով: 1-ին խաղակեսում 2 թիմերն էլ քիչ պահեր ստեղծեցին, իսկ 2-րդ խաղակեսում բարդ ֆուտբոլ ընթացավ, սխալները շատ էին մեր կողմից: Պարզունակ դիրքերում կորցնում էինք գնդակը: Այսօր կրկին զգացվեց Կարեն Մուրադյանի բացակայությունը, այդ պատճառով Հրայր Մկոյանը խաղում էր հենակետայինի դիրքում: Առաջին խաղակեսում լավ չէինք դուրս գալիս պաշտպանությունից: Արդյունքից գոհ եմ՝ հաշվի առնելով, որ առաջինը մենք բաց թողեցինք գոլ»:

Խոսելով Արթուր Հարությունյանի բացակայության մասին` Բիչախչյանը նշեց. «Արթուր Հարությունյանը ատամի թարախակալման խնդիրներ ուներ և ենթարկվել է թեթև վիրահատություն»: