Ամեն ինչ որոշվելու է մրցակցի հարկի տակ. Վարդան Բիչախչյան

«Շիրակ»-«Զրինսկի» խաղից հետո լրագրողների հետ հանդիպեց «Շիրակ»-ի գլխավոր մարզիչ Վարդան Բիչախչյանը:

«Այս դիմակայությունը բաղկացած է 2 խաղից և այսօր մենք մեկ խաղակես անցկացրեցինք:  Կարողացանք խփել 2 գնդակ և դարպասը պահել անառիկ:  Չեմ համարում որ հաղթահարել ենք առաջին փուլը: Մենք պաշտպանությունում կարողացանք անթերի գործել: Ամեն ինչ  որոշվելու է մրցակցի հարկի տակ:

Բուգուհին ինքը խնդրեց փոխարինվել: Արդեն պարտականությունները լավ չէր կատարում, քանի որ հոգնածություն էր նկատվում նրա մոտ:  Նույնը կարելի է ասել նաև  Դրիսայի մասին:

  Պատասխան խաղում նպատակը մեկն է լինելու` կարողանանք գոլ խփել, քանի որ այդ դեպքում մրցակիցը ստիպված կլինի խփել 4 գոլ»-ասաց Բիչախչյանը: