Մահացել է լիբանանահայ բանաստեղծ Սարգիս Կիրակոսյանը

Երեկ գիշեր մահացել է լիբանանահայ մտավորական, բանաստեղծ, Հայաստանի գրողների միության անդամ Սարգիս Կիրակոսյանը:

Սարգիս Կիրակոսյանը երկար տարիներ հայ գրականություն է դասավանդել Համազգայինի Մ. և Հ. Ասլանյան ճեմարանում և Մեծի Տանն Կիլիկիո կաթողիկոսության դպրեվանքում: Համազգային կրթամշակութային միության Լիբանանի շրջանային վարչության անդամ էր:  Նա Բեյրութում հրատարակվող «Բագին» գրական հանդեսի փոխխմբագիրն էր և «Ազդակ» օրաթերթի գրական էջի խմբագիրը: 

2015թ. մայիսի 28-ին Հայաստանի Հանրապետության նախագահ Սերժ Սարգսյանի հրամանագրով պարգևատրվել է «Մովսես Խորենացի» շքանշանով:   

Yerkir.am-ի խմբագրակազմը ցավակցում է վաստակաշատ մտավորականի ընտանիքին, հարազատներին  և գաղափարակից ընկերներին: