Սահմանադրական բարեփոխումները ՀՀԿ-ի համար գերնպատակ չե՞ն

«ՀՀԿ-ի համար այս բարեփոխումների անցկացումը գերնպատակ չէ: Պետք է ամեն ինչ որոշեն քաղաքացիները: Այս հարցը մեր օրակարգում առաջնայինն ու գլխավորը չէ: Մենք ունենք այլ` սոցիալական, անվտանգության խնդիրներ»,- ՀՀԿ ԳՄ նսիտից հետո լրագրողների հետ զրույցում ասաց ԱԺ փոխխոսնակ, ՀՀԿ մամուլի խոսնակ Էդուարդ Շարմազանովը:

Նա տեղեկացրեց, որ այսօրվանից  Հանրապետական կուսակցությունում սկսում են քննարկումների փուլը:

«Վերջնական տարբերակը կընդունվի քննարկումների արդյունքում,  քաղաքական կուսակցությունների, մասնագետների կարծիքները հաշվի առնելով: Սա քննարկումների վերջը չէ, սա քննարկումների սկզիբն է»,- ասաց Շարմազանովը:

Նա նշեց, որ սահմանադրության քննարկվող  տարբերակը հնարավորություն է տալիս ավելի արդյունավետ կառավարման համակարգ ստեղծել: Շարմազանովն ընդծեց, որ իրենք այս Սահմանադրությունը անցկացնելու խնդիր չունեն:

 «Եթե որեւէ քաղաքական ուժ ցանկություն ունի եւ կարող է մասնակցել ընտրությունների, ապա թող մասնակցի նոր Սահմանադրության պարագայում, եւ այդ քաղաքական ուժի ղեկավարը կարող է դառնալ վարչապետ: Իսկ եթե որեւէ քաղաքական գործչի  մանկության երազանքն  է նախագահ դառնալ, ինչ ասեմ»,- նշեց  Շարմազանովը: