Անգլիայում եւ Ուելսում ոստիկաններին թույլ չեն տա ջրցան օգտագործել

Դեւիդ Քեմերոնի կառավարությունը հրաժարվել է թույլտվություն տալ Անգլիայի եւ Ուելսի ոստիկաններին` փողոցային անկարգությունների ժամանակ ջրցան մեքենաներ օգտագործել: Նշենք, որ այդ ջրցանները ոստիկանությունը գնել էր Լոնդոնի 2011 թվականի անկարգություններից հետո Քեմերոնի կառավարության հավանությամբ:

Մեծ Բրիտանիայի ներքին գործերի նախարար Թերեզա Մեյը  հայտարարել է, որ նույնիսկ նմանատիպ անկարգությունների պարագայում ջրցանների օգտագործումը չի թույլատրվի:  Նա որոշումը պատճառաբանել է այն փաստով, որ ջրցանի օգտագործումը մարդկանց մոտ կարող է հանգեցնել ուղեղի ցնցման եւ ողնաշարի կոտրվածքի:

Ներքին գործերի նախարարը նաեւ ընդգծել է, որ ջրցանների օգտագործումը  կհանգեցնի հանրության անվստահության ոստիկանության նկատմամբ:

 Միեւնույն ժամանակ Միացյալ Թագավարությունում պարբերաբար ոստիկանները դիմում են ջրցանների օգնությանը` մասնավորապես Հյուսիսային Իռլանդիայում: Եվրոպայում այն օգտագործվում է ծայրահեղ դեպքերում, իսկ Անգլիայում եւ Ուելսում չի գործածվել ոչ մի անգամ:

Անգլիացի ոստիկանն ունի խիստ, բայց բարեհամբույր եւ ամեկարեւորը` չզինված իրավապահի իմիջ: