Բախվել են բանկի կառավարիչի մեքենան եւ տաքսին

Այսօր` հունիսի 23-ին, խոշոր ավտովթար է տեղի ունեցել Գեղարքունիքի մարզում: Ժամը 15:50-ի սահմաններում Սևան-Մարտունի-Գետափ ավտոճանապարհի 15-րդ կմ հատվածում բախվել են Մարտունի քաղաքի բնակիչ, 45-ամյա Էդգար Մանուկյանի վարած Hyundai Elantra մակնիշի 54 PM 444 համարանիշի և դեռևս չճշտված վարորդի վարած Mercedes մակնիշի 34 CD 639 համարանիշի ավտոմեքենաները, հայտնում է Shamshyan.com-ը: Բախման հետևանքով Hyundai-ի 2 ուղևորներն ու Mercedes-ի վարորդն ու նրա ուղևորը մարմնական վնասվածքներով տեղափոխվել են Գավառի բժշկական կենտրոն: Վարորդներին և վիրավորներին առաջինը օգնության են հասել քաղաքացիները:  Hyundai-ի վարորդ Է. Մանուկյանը աշխատում է Արդշին բանկի Մարտունու մասնաճյուղում` որպես կառավարիչ, իսկ Mercedes-ի մեջ հայտնաբերվել է տաքսու նշան (զնակ) և դեպքի վայրում հավաքվածներն էլ ասում էին, որ տաքսու վարորդն ու ուղևորը վերադառնալիս են եղել ձուկ բռնելուց, քանի որ ավտոմեքենայում հայտնաբերվել են կարթեր, ձկներ և ձկնորսության համավ օգտագործվող այլ պարագաներ:

Մանրամասները՝ այստեղ: