Անդրիաս Ղուկասյանն ու Նավակը Ճոճողը դեռ ոստիկանության Կենտրոնականի բաժնում են

Արդեն տեղեկացրել ենք, որ այսօր առավոտյան բերման են ենթարկվել էլեկտրաէներգիայի թանկացման դեմ նստացույցի մասնակիցներից  237-ը:  Նրանք գտնվում են ոստիկանության տարբեր բաժիններում, այդ թվում` մարզային: 

Ոստիկանության Կենտրոնի բաժնում գտնվում է 14 անձ, նրանց թվում` նախագահի նախկին թեկնածու Անդրիաս Ղուկասյանն ու հայտնի ակտիվիստներ` Վիլեն Գաբրիելյանը` Նավակը Ճոճողը, և Արմեն Մկրտչյանը:

Yerkir.am-ի լրագրողը Երևան քաղաքի վարչության Կենտրոնական բաժնից հայտնում է, որ այս պահին ազատ են արձակվել այստեղ բերված ակտիվիստներից երկուսը` Կորյուն Դավթյանը և Էրիկ Իսրայելյանը: Վերջինս անչափահաս է: Նա հայտնեց, որ իրեն և մյուս ընկերներին մեղադրանք է առաջադրվել խուլիգանության համար, սակայն ինքը հրաժարվել է ցուցմունք տալ և որևէ բան ստորագրել: Էրիկը նշեց, որ իրեն հարցաքննել են ծնողի ներկայությամբ:

Ի դեպ, լրացել է ձերբակալման մասին օրենքով նախատեսված 3 ժամը, այսինքն` ոստիկանությունը ակտիվիստներին բաժնում է պահում օրենքի խախտումով: