Պայթյուններ` Տիգրանակերտում հայամետ կուսակցության հանրահավաքի ժամանակ. կան զոհեր

Այժմյան Թուրքիայի տարածքում գտնվող հայկական Տիգրանակերտ քաղաքում դարձյալ երկու պայթյուն է տեղի ունեցել Ժողովրդա-դեմոկրատական կուսակցության հանրահավաքի ժամանակ. տեղեկացնում է Milliyet-ը:

Ներքին գործերի նախարարության տեղեկությունների համաձայն` պայթյունի հետևանքով վիրավորվել է ավելի քան 316 մարդ և մահացել 2-ը, սակայն զոհերի թիվը շարունակում է աճել:

Կատարվածի մասին հայտարարությամբ հանդես է եկել կուսակցության ղեկավար Սելահաթթին Դեմիրթաշը: Նա կատարվածը սադրանք է անվանել և խնդրել է հանգստություն պահպանել:

Նշենք, որ սույն կուսակցությունը ճանաչել է Հայոց ցեղասպանությունն ու տարբեր հարցերում աջակցել հայերին: Վերջին շրջանում Թուզլայի հայկական որբանոցի ոչնչացման դեմ պայքարում ևս մեծ աջակցություն է ցուցաբերել: 

Հիշեցնենք, որ Թուրքիայի խորհրդարանական ընտրությունները կկայանան վաղը: