18-րդ դարի ամենահայտնի հայ բանաստեղծ. թուրքական կայքը՝ Սայաթ-Նովայի մասին

Թուրքիայի հայկական համայնքից ծնված «Սայաթ-Նովա» երգչախումբը  կներկայացնի 100 տարվա վաղեմության հայկական երգեր. գրում է թուրքական Gercekgundem-ը:

Ուշագրավն այն է, որ թուրքական կայքն առանց աղավաղելու ներկայացրել է երգչախմբի ձևավորման պատմությունը:

«Անունը 18-րդ դարի ամենահայտնի հայ բանաստեղծինն է: Երգչախումբն իր փորձերն սկսել է  1972 թվականի ապրիլի 24-ին Բոյաջըքոյի Սուրբ Երից Մանկանց հայկական եկեղեցում: Նաև եկեղեցական երգչախումբ հանդիսացող «Սայաթ-Նովա» խմբի համերգի թեման 100 տարի առաջվա հայերն են: Սիփան սարից` Մուսալեռ, Պոլիսից` Բինգյոլ և անգամ` մինչև Երևան ձգվող պատմություններ ներկայացնող երգերից բացի, համերգի ընթացքում ընթերցվելու են Հակոբ Մնձուրու, Զաբել Եսայանի, Գրիգոր Զոհրապի, Հայկանուշ Մարկի և այլ հայ գրողների աշխատանքներից հատվածներ»,- գրել է կայքը:

«Կռունկ» խորագրով համերգը տեղի կունենա մայիսի 22-ին Շիշլիի Մշակույթի կենտրոնում: