Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
««Ժողովուրդ»-ի տեղեկություններով՝ Կոտայքի մարզի «Հրազդանի բժշկական կենտրոն» ՓԲԸ տնօրեն Ռոբերտ Սահակյանի որդին՝ Կարեն Սահակյանը, գնել է քաղաքի ավտոկայանի շենքը և պատրաստվում է այն վերածել հարսանյաց սրահի: Երբ փորձեցինք այս առնչությամբ մեկնաբանություն ստանալ «Հրազդանի բժշկական կենտրոն» ՓԲԸ-ի տնօրեն Ռոբերտ Սահակյանից, նա հարցը լսելուն պես անմիջապես անջատեց հեռախոսը: Տպավորություն էր, թե վախենում է խոսել հարազատ տղայի կամ ընտանեկան ծրագրերի մասին:
Իսկ Հրազդանի քաղաքապետ Արամ Դանիելյանը «Ժողովուրդ»-ի հետ զրույցում ասաց, որ ավտոկայանն արդեն 20-30 տարի է՝ չի շահագործվում, և այնտեղ ոչ մի տեսակի շինաշխատանքներ չեն իրականացվում: Նրա խոսքերով՝ ավտոկայանը գտնվում է ՀՀ տրանսպորտի և կապի նախարարության ենթակայության տակ, և իրենք հարսանյաց սրահ կառուցելու մասին ոչ մի փաստաթուղթ չեն ստացել և չեն մակագրել: Իսկ հրազդանցիների շրջանում վաղուց արդեն այդ մասին լուրեր են շրջանառվում»,–գրում է թերթը։
Մանրամասները՝ թերթի այսօրվա համարում։