Հյուսիսային ավտոկայանի մոտ զինվորական բեռնատար է կողաշրջվել. կա 6 տուժած

Այսօր` ժամը 10.15-ին, ահազանգ է ստացվել, որ Երևանի Հյուսիսային ավտոկայանում՝ R&V կոմֆորտ խանութ-սրահի մոտակայքում, տեղի է ունեցել ՃՏՊ, կան տուժածներ: Դեպքի վայր են մեկնել ճգնաժամային կառավարման ազգային կենտրոնի օպերատիվ խումբը և մեկ մարտական հաշվարկ:

Yerkir.am-ի տեղեկություններով՝ վթարի հետևանքով կողաշրջվել է ՊՆ-ին պատկանող Sadko մակնիշի ավտոմեքենան:

Yerkir.am-ի հետ զրույցում ՊՆ մամլո խոսնակ Արծրուն Հովհաննիսյանը հաստատեց  տեղեկությունը՝ նշելով, որ վթարի արդյունքում 6 զինծառայող է տուժել, նրանց տեղափոխել են Մուրացանի զինվորական հոսպիտալ:

Մեզ հետ զրույցում Կենտրոնական կլինիկական հոսպիտալի պետ Արամ Ասատուրյանը հայտնեց, որ այս պահին տուժած զինվորներին հետազոտում են: