Պատահական չէ, որ Ցեղասպանության օրերին հայ մարդը հենց գրքեր է փրկել. մեկնարկեց Բոլոնիայի նախագահական գագաթաժողովը

Հայաստանում մեկնարկեց Բոլոնիայի նախարարական գագաթաժողովի 9-րդ (ՆԳ) և Բոլոնիայի քաղաքականության չորրորդ ֆորումը (ԲՔՖ):

ՀՀ նախագահ Սերժ Սարգսյանը, կարևորելով միջոցառման` Հայաստանում անցկացվելը, նշեց, որ հնարավոր չէ ապահովել կրթական համակարգի մրցունակությունն առանց փոփոխությունների:

«Անդամակցելով Բոլոնիային` Հայաստանը համագործակցային նոր հարթակ ձևավորեց: Եվրոպական կրթական համակարգը մեծ ներդրում է ունեցել կրթական բարեփոխումների համար»,- ասաց նախագահը:

Նա ՀՀ կրթական կարևոր ձեռքբերումներից մեկը համարեց 2012-ին Բոլոնիայի քարտուղարության ստանձնումը: «Բուհական համակարգում ունենք առաջընթաց արձանագրող միտումներ: Հայերն առանձնահատուկ ակնածանք ունեն կրթության նկատմամբ. միակ արժեքը, որը չեն կարողացել խլել հայերից, եղել են հենց գիտելիքն ու հոգևոր-մշակութային արժեքները: Պատահական չէ, որ Ցեղասպանության օրերին հայ մարդը հենց գրքեր է փրկել, այլապես մենք չէինք ունենա Մատենադարան»,- ասաց Սերժ Սարգսյանը:

Նախագահը նշեց նաև, որ նման խոշոր միջացառում վերջերս տեղի ունեցավ Վատիկանում, երբ Գրիգոր Նարեկացին Տիեզերական սրբերի դասը համալրեց:

Սերժ Սարգսյանը նշեց, որ այս տարի Հայաստանի համար յուրահատուկ տարի է, քանի որ մենք հիշատակում ենք Ցեղասպանության 100-րդ տարելիցը. «Մենք ասում ենք` «Այլևես երբեք..», այլևս երբեք չի կարելի թույլ տալ նման հրեշավոր գործողությունների կյանքի կոչումը, և այս հարցում շատ մեծ է կրթության դերը»:

Երեք տարի առաջ Բուխարեստում Բոլոնիայի անդամները միաձայն քվեարկեցին, որ հաջորդ նիստն անցկացվի Հայաստանում: