Թուրքիայում մարդիկ շտապել են հայկական որբանոց. ժամանակավորապես կանգնեցվել է քանդելու գործընթացը

Քիչ առաջ տեղեկացրեցինք, որ Թուրքիայում շինարարական մեքենաները առավոտյան ժամերին սկսել են քանդել հայկական «Արմեն» որբանոցը:

«Ակօս»-ի հաղորդմամբ՝ մարդիկ շտապել են որբանոց՝ կանգնեցնելու մեքենաները: Նրանց հաջողվել է ժամանակավորապես դադարեցնել շենքը քանդելու գործընթացը:

Այժմ որբանոցի տարածքում են քրդամետ Ժողովրդա-դեմոկրատական կուսակցությունից պատգամավորի թեկնածուներ Կարո Փայլյանն ու Սեզին Ուչարը, կուսակցության տարածքային ղեկավարները, ընդդիմադիր Ժողովրդա-հանրապետական կուսակցության` Թուզլայի նախագահ Ալի Չելիքը, Բեսթե Քափլանը, «Նոր Զարթոնք»-ի ակտիվիստներ ու որբանոցի նախկին սաներից Կարապետ Օրունոզը:

Լուսանկարները՝ Սիբիլ Չեքմենի ֆեյսբուքյան էջից.