24 04 2024
|
||
---|---|---|
EUR | ⚊ | 415.63 |
GBP | ⚊ | 481.74 |
GEL | ⚊ | 145.81 |
RUB | ⚊ | 4.18 |
USD | ⚊ | 390.04 |
Ստեփանակերտի հուշահամալիրում կանգնեցվել է «Լուսո խորան» խորագրով հուշակոթող՝ նվիրված Արցախյան երրորդ պատերազմում նահատակված հերոսների հիշատակին:
«Արցախպրես»-ի թղթակցի հետ զրույցում տեղեկացրել է Ստեփանակերտի քաղաքապետի առաջին տեղակալ Սամվել Ղուլյանը:
«44-օրյա պատերազմում նահատակված հերոսների Եղբայրական գերեզմանոց-պանթեոնի կառուցման և տարածքի բարեկարգման աշխատանքները սկսվել են 2021 թվականի ապրիլին: Այս ընթացքում կառուցվել են հենապատեր, իրականացվել՝ բետոպատում և սալիկապատում: Արդեն տեղադրվել են մեր նահատակների շիրմաքարերը: Նախագծի համաձայն՝ տարածքը բարեկարգվել ու կանաչապատվել է՝ ապահովվելով լուսավորման համակարգով: Շինաշխատանքներն արդեն ավարտվել են, այս պահին տարածքը մաքրվում է»,- ասել է Ս. Ղուլյանը, և ավելացրել, որ շինարարական աշխատանքներն կատարել են «Էլնարտի», «Կապավոր» և «Պանտ» ՍՊ ընկերությունները, իսկ հուշակոթողի կառուցումը՝ «Գաբրո» ՍՊԸ-ն: