Ապրիլի 24-ը սարսափելի տարելից է. Ալեգրովա

 Իրինա Ալեգրովան իր պաշտոնական կայքում անդրադարձել է Հայոց ցեղասպանության 100-ամյա տարելիցին:

«Ապրիլի 24-ը սարսափելի տարելից է: 100 տարի առաջ իրականացվել է Հայոց ցեղասպանությունը: Դա  ХХ դարում զանգվածային ցեղասպանության առաջին փաստն էր: Ընդամենը երկու շաբաթում բազմաթիվ մարդիկ ոչնչացվել են ամենագազանաբարո, ամենաանմարդկային եղանակով: Պարզապես այն բանի համար, որ քրիստոնյա էին, որ համակրում էին Ռուսաստանին:

Հաճախ ինքներս մեզ հաշիվ չենք տալիս, թե այդ ամենը որքան մոտ է մեզ... Հայերին սպանողների հոգևոր ժառանգները օրերս Լիբիայում քրիստոնյա եթովպացիների են զանգվածային մահապատժի ենթարկել... Անմեղ մարդիկ են շարունակում մահանալ Դոնբասում:

Տեսնելով այս ամենը՝ մենք ուղղակի պարտավոր ենք հասկանալ՝ որքան կարևոր է հիշել մարդկության պատմության այդ դաժան էջերը: Հայերի ցեղասպանության 100-ամյա տարելիցի օրը ես ձեզ խնդրում եմ հարգանքի տուրք մատուցել նրանց լուսավոր հիշատակին և ազգային, կրոնական ու քաղաքական թշնամանքի բոլոր անմեղ զոհերի հիշատակին: Հիշենք», - ասում է Ալեգրովան: