«Հայ ժողովրդի կողքին կանգնող» Օբաման կրկին չկատարեց խոստումը

Ինչպես նախորդ վեց տարիներին, այս տարի եւս ԱՄՆ նախագահ Բարաք Օբաման Օսմանյան կայսրությունում սպանված 1.5 միլիոն հայերի զանգվածային ջարդերի մասին ապրիլքսանչորսյան ելույթում դարձյալ խուսափեց «ցեղասպանություն» եզրույթից, տեղեկացնում է Washingtonpost-ը:

Ելույթում Օբաման նշել է, որ «զանգվածային սպանությունների» տարելիցը, որն ինքը նախկինում անվանել է «Մեծ Եղեռն», խորհրդանշում է պատմության պահպանման կարևորությունն ու անցյալը հիշելու անհրաժեշտությունը`կրկնելով, որ ինքը 1915 թվականին կատարվածի մասին բազմիս ելույթ է ունեցել և դրա վերաբերյալ իր դիրքորոշումը չի փոխվել:

Թերթը հիշեցնում է, որ անցած շաբաթ հայ համայնքի ներկայացուցիչների հետ հանդիպման ընթացքում Սպիտակ տան ներկայացուցիչներն արդեն տեղեկացրել էին, որ Օբամայի այս տարվա ելույթը չի տարբերվի նախորդներից:

«Այս 100-րդ տարելիցին մենք կանգնում են հայ ժողովրդի կողքին` հիշելով այն, ինչ կորսվել է: Մենք խոստանում ենք` նրանք, ովքեր տառապել են, չեն մոռացվելու: Մենք պարտավորվում ենք դասեր քաղելլ այս ցավոտ ժառանգությունը, որպեսզի հետագա սերունդները չկրկնեն այն»,- ասել է ԱՄՆ նախագահն իր ելույթում: