Ավստրիայի խորհրդարանում քննարկումից առաջ մեկ րոպե լռությամբ հարգել են Հայոց ցեղասպանության զոհերի հիշատակը

Տեղեկացրել էինք, որ երեկ Ավստրիայի խորհրդարանն ընդունել է Հայոց ցեղասպանությունը դատապարտող բանաձև:

Yerkir.am-ի հետ զրույցում ՀՅԴ Եվրոպայի Հայ դատի հանձնախմբի հաղորդակցության պատասխանատու Պետո Դեմիրճյանը նշեց, որ այսօր Ավստրիայի խորհրդարանի 68-րդ լիագումար նիստը մեկնարկել է Հայոց ցեղասպանության զոհերի հիշատակին հարգանքի տուրքի մատուցմամբ։

«Պատգամավորները 1 րոպե լռությամբ հոտնկայս հարգել են անմեղ զոհերի հիշատակը։ Նիստն այժմ ընթացքի մեջ է, այսօր պետք է Ցեղասպանության վերաբերյալ շուրջ քննարկումներ լինեն, և հայտարարություն ունենք, որը պետք է որդեգրվի բոլորի կողմից: Քննարկվում է Թուրքիայի պատասխանատվության, ինչպես նաև կոչով հանդես գալու հարցը, որ Թուրքիան հաշվի նստի իր անցյալի հետ»,- ասաց Դեմիրճյանը:

Ի դեպ, խորհրդարանի անդամների թվում նաև 2-3 թուրք կա: