Ազատության հրապարակում մեկ րոպե լռությամբ հարգեցին Մարտի 1-ի զոհերի հիշատակը

Ազատության հրապարակում մեկնարկել է ՀԱԿ կուսակցության նախաձեռնած բազմամարդ հանրահավաքը` նվիրված 2008թ. մարտի 1-ի իրադարձություններին: Հանրահավաքին է ներկայացել նաև ՀԱԿ առաջնորդ, ՀՀ առաջին նախագահ Լևոն Տեր-Պետրոսյանը, որին քաղաքացիները դիմավորեցին ծափահարություններով:

ԱԺ ՀԱԿ խմբակցության պատգամավոր Արամ Մանուկյանն ընթերցեց 2008թ. մարտի 1-ի 10 զոհերի անունները, ներողություն խնդրեց նրանց հարազատներից, որ հանցագործությունը մինչեւ հիմա բացահայտված չէ, այնուհետեւ 1 րոպե լռությամբ հարգեցին սպանվածների հիշատակը:

Ելույթ ունեցան զոհվածների հարազատներից ոմանք, ինչպես նաև Արցախյան ազատամարտի վետերաններ: Ազատամարտի վետերան Խաչիկ Ավետիսյանը կոչ արեց համազգային մոբիլիզացման` համազգային հեղափոխություն իրականացնելու նպատակով:

«Ոչ մի րոպե հապաղել չի կարելի, պետք է ձևավորել ժողովրդի վստահության կառավարություն»,- ասաց նա:

«Բայց մեկ է` այս հոսանքի դեմն առնել չի լինի, որքան էլ արգելափակեք, ազատ մարդը գալու է Ազատության հրապարակ»,- ասաց նա: