Սեյրան Օհանյանը խոսեց սահմանին տիրող իրավիճակի մասին

Այսօր Արագածոտնի մարզում, yerkir.am և azatutyun.am կայքերի լրագրողների խնդրանքով, ՀՀ պաշտպանության նախարար Սեյրան Օհանյանն անդրադարձավ սահմանին տիրող իրավիճակին:

Նախարարի խոսքով՝ վերջին օրերին համեմատաբար հանգստություն է տիրում, թեեւ  ոտնձգություններ կան:

«Պարբերաբար փորձեր լինում են, նաև` դիպուկահարների կրակոցներ, սակայն առաջին գծի մեր ստորաբաժանումները լիարժեք վերահսկում են իրավիճակը»,- ասաց Օհանյանը և հավելեց, որ ներկայումս կանխարգելիչ միջոցառումներ են իրականացվում` առաջնագծի կահավորման, անվտանգության ապահովման, դիվերսիոն հարձակումներին դիմակայելու համար:

Դիտարկմանը, թե վերջին շրջանում շատ է խոսվում Արցախում խաղաղապահ ուժերի տեղակայման մասին, նախարարն արձագանքեց. «Ղարաբաղի ամենահզոր խաղաղապահ ուժերը ԼՂՀ-ի Պաշտպանության բանակն է, որն այսօր իրականացնում է իր առջև դրված խնդիրները»: