Սամբոյի Եվրոպայի առաջնություն. հայ մարզիկները կվերադառնան մեդալներով

Սերբիայի Նովի-սադ քաղաքում ավարտվել է  սամբոյի  Եվրոպայի   պատանեկան ու երիտասարդական առաջնությունը:

Մրցումների վերջին օրը մեր պատանիներից 87 կգ քաշային Գրիգոր Սահակյանը արժանացավ բրոնզե մեդալի:

Հիշեցնենք, որ երրորդ հորիզոնականներն էին զբացեղերել նաև Հարություն Սարգսյանը /պատանի՝ 52 կգ/, Դանիել Գաբրիելյանը /պատանի 60կգ/, Արման Նիազյանը /երիտասարդ, 48կգ/, արծաթե պարգևների էին արժանացել` պատանիներից Դավիթ Նալբանդյանը /81 կգ/, երիտասարդներից՝ Վոլոդյա Սարգսյանը /62 կգ/ և Միշա Նազարյանը /82կգ/, իսկ երիտասարդների առաջնության 90 կգ քաշային կարգում Էդիկ Պետրոսյանը նվաճել էր չեմպիոնի տիտղոսը:

Այսպիսով` մեր մարզիկները  Հայաստան կվերադառնան նվաճած 1 ոսկե, 3 արծաթե և  4 բրոնզե մեդալներով: Այս մասին հաղորդում է Հայաստանի սամբոյի ֆեդերացիայի պաշտոնական կայքը: