Սուր շնչառական հիվանդությունների համաճարակի ցուցանիշի շեմը մտահոգիչ է եղել

Այսօր ՀՀ առողջապահության նախարար Արմեն Մուրադյանը լրագրողների հետ հանդիպման ժամանակ անդրադարձավ վերջին օրերին հանրապետությունում գրանցված սուր շնչառական հիվանդությունների տարածմանը:

Լրագրողները հետաքրքրվեցին` արդյո՞ք կա համաճարակի վտանգ: Նախարարը պատասխանեց, որ համաճարակի վտանգ չկա, մտահոգիչ է եղել համաճարակի ցուցանիշի շեմը: Առողջապահության նախարարությունը գնահատել է այն որպես բռնկում, և համապատասխան միջոցառումներ են ձեռնարկվել իրավիճակը փոխելու ուղղությամբ: Մասնավորապես` առաջարկ է ներկայացվել ԿԳՆ-ին՝ երկարացնել դպրոցական արձակուրդները, որովհետև 1900 հիվանդների ու հոսպիտալացված 602 հիվանդների մեծ մասը դպրոցական տարիքի երեխաներ են եղել:

Առողջապահության նախարարը նշեց, որ դպրոցական արձակուրդների երկարացման արդյունքում կտրուկ նվազել է հիվանդների թիվը: