Թուրքական մամուլի արձագանքը ապրիլի 24-ին Պուտինի՝ Հայաստան գալուն

Թուրքական Hurriyet թերթում Դողանը իր՝ «Չանաքքալեի փոխարեն ընտրել է Երևանը» հոդվածում անդրադարձել է Ռուսաստանի նախագահ Վլադիմիր Պուտինի՝ Հայոց ցեղասպանության 100-րդ տարելիցի ոգեկոչման արարողություններին մասնակցելությանը:

«Հայաստանի նախագահ Սերժ Սարգսյանի հրավերով` Ռուսաստանի նախագահ Վլադիմիր Պուտինը Հայոց ցեղասպանության 100-րդ տարելիցին նվիրված միջոցառումներին մասնակցելու համար ապրիլի 24-ին կլինի Երևանում։ Պուտինն էլ, իր հերթին, Սարգսյանին հրավիրել է Ռուսաստան` Երկրորդ համաշխարհային պատերազում տարած հաղթանակի 70-րդ տարելիցի կապակցությամբ։ Մայիսի 9-ին Հայաստանի նախագահը կլինի Մոսկվայում»,- գրել է կայքը։

Dunyabulteni կայքը ևս անդրադարձել է Պուտինի այցին: Կայքը նշել է, որ Պուտինը, մերժելով Էրդողանի հրավերը, Երևանում կայանալիք միջոցառումներին կմասնակցի: Պնդումների համաձայն, գրում է կայքը, Մոսկվայից ստացած բացասական պատասխանից հետո Անկարան արդեն որոշ ժամանակ է` նախաձեռնություններ է սկսել, որպեսզի Ռուսաստանի վարչապետ Մեդվեդևն այցելի Չանաքքալե: