Զինծառայողներից մեկը որովայնի վիրավորում ունի` հաստ եւ բարակ աղիների վնասումով

Երեկ Հայաստանի կենտրոնական կլինիկական զինվորական հոսպիտալ են տեղափոխվել նախօրեին հակառակորդի հատուկ նշանակության ջոկատի ուժեղացված խմբի հարձակման հետևանքով վիրավորված զինծառայողներից երկուսը:

Yerkir.am-ին հոսպիտալից տեղեկացրին, որ տղաների վիճակը ծանր կայուն է, նրանց կյանքին վտանգ չի սպառնում: «Էդգար Մարտիրոսյանը որովայնի վիրավորում ունի` հաստ եւ բարակ աղիների վնասումով: Տղային վիրահատել են Մարտակերտի հոսպիտալում: Սպա Սարգիս Գաբրիելյանն ունի աջ վերին վերջույթի տրավմատիկ ամպուտացիա, ինչպես նաև բեկորային վնասվածքներ»,- հայտնեցին մեզ:

Նշենք, որ վիրավորված տղաները, չնայած նրան, ով բավականին արյուն են կորցրել ադրբեջանցիների հետ մարտի ժամանակ, կենդանի են մնացել շնորհիվ ռազմական բժիշկների, ովքեր դաշտային պայմաններում առաջին բուժօգնություն են ցուցաբերել տղաներին՝ փրկելով նրանց կյանքը: Երիտասարդ վիրաբույժները, անեստեզիոլոգները, նեյրովիրաբույժները և այլոք ուղղակի փայլել են իրենց պարտականությունների կատարման հարցում: