Տիգրան Ուրիխանյանը չի մասնակցել խմբակցության ղեկավարի եւ քարտուղարի ընտրությանը

Այսօր ԱԺ ԲՀԿ խմբակցության նիստ է տեղի ունեցել, որի ժամանակ Նաիրա Զոհրաբյանը ընտրվել է ԲՀԿ խմբակցության ղեկավար, իսկ Վահե Էնֆիաջյանը` խմբակցության քարտուղար:

Նրանց թեկնածություններն առաջարկել է ԲՀԿ պատգամավոր Լյովա Խաչատրյանը: Այլ թեկնածություններ չեն առաջադրվել: Զոհրաբյանի եւ Էնֆիաջյանի թեկնածություններն ընդունվել են միաձայն: 

Նիստին չեն մասնակցել Տիգրան Ուրիխանյանն ու Աբրահամ Մանուկյանը:

Լրագրողների հետ զրույցում ԲՀԿ մամուլի քարտուղար Վահան Բաբայանն ասաց, թե չգիտի` ինչու Տիգրան Ուրիխանյանն ու Աբրահամ Մանուկյանը չեն մասնակցել այդ նիստին: «Ես չգիտեմ` Տիգրան Ուրիխանյանը հեռանալու է կուսակցությունից, թե` ոչ»,- ասաց Վահան Բաբայանը: