«Եվրատեսիլ»-ում Հայաստանը կներկայանա «Face The Shadow» խորագրի ներքո

Ավստրիայի մայրաքաղաք Վիեննայում երեկ կայացել է «Եվրատեսիլ-2015»-ի մասնակից պետությունների պատվիրակությունների ղեկավարների պաշտոնական հանդիպումը, որին ներկա են եղել մասնակից բոլոր 40 երկրների ներկայացուցիչները, այդ թվում` Հայաստանը:

«Եվրատեսիլ»-ի կազմակերպիչները հաստատել են Հայաստանի մասնակցությունը մրցույթին: Հայկական երգը կներկայանա նոր խորագրի ներքո` «Face The Shadow» (թարգմանաբար` «Առերեսվի՛ր ստվերին»): Այս փոփոխությունը միտված է երգի ենթատեքստում քաղաքական ցանկացած թեմայի շահարկումը ետ մղելուն, ինչպես նաեւ խաղաղության, սիրո եւ միասնության գաղափարը ուժեղացնելուն:

Հիշեցնոմ ենք, որ մրցույթն այս տարի կկայանա Վիեննայում մայիսի 19-ին, 21-ին եւ 23-ին` «Կառուցելով կամուրջներ» խորագրի ներքո: