կարևոր
1300 դիտում, 2 ամիս առաջ - 2022-09-24 14:35
Քաղաքական

Արցախը հանձնվեց ժողովրդավարության երգերի ներքո, իսկ խաղաղության երգերի ներքո հանձնվում է Հայաստանը. Արմեն Աշոտյան

Արցախը հանձնվեց ժողովրդավարության երգերի ներքո, իսկ խաղաղության երգերի ներքո հանձնվում է Հայաստանը. Արմեն Աշոտյան

2018-ից 2020 թվականները Նիկոլ Փաշինյանն արեց ամեն ինչ, որպեսզի Հարավային Կովկասում լինի ավելի քիչ Ռուսաստան, «Չդադարող պատերազմ. ինչպես և ո՞վ բերեց այն» թեմայով քննարկմանը հայտարարեց ՀՀԿ փոխնախագահ Արմեն Աշոտյանը:

«Աշխարհաքաղաքական այն վակուումը, որ առաջացավ տարածաշրջանում մինչև 2020 թվականը, լցվեց Թուրքիայով ու, այո՛, Նիկոլ Փաշինյանն է իր տխմար քաղաքականությամբ հրավիրել Թուրքիային Հարավային Կովկաս, հրավիրել Արցախ ու սա դառը ճշմարտություն է», - ասաց նա:

Ըստ Աշոտյանի՝  կեղծ ժողովրդավարություն գոռալով, կեղծ ժողովրդավարություն քարոզելով՝ Նիկոլ Փաշինյանը հանձնեց Արցախը:

«Արցախը հանձնվեց ժողովրդավարության երգերի ներքո, իսկ 2020 թվականից հետո խաղաղության երգերի ներքո հանձնվում է Հայաստանը», - նշեց ՀՀԿ փոխնախագահը: