Հայաստանը եւս մեկ անգամ կներկայանա Եվրոպային

Հայաստանը և Լեհաստանը առաջիկա 6 ամիսների ընթացքում ստանձնել են Բոլոնիայի գործընթացի համանախագահությունը: Այդ կապակցությամբ ՀՀ կրթության և գիտության նախարարությունը կազմակերպելու է 4 կարևոր միջոցառումներ, որոնք պաշտոնապես գրանցված են Բոլոնիայի քարտուղարության կայքում:

«Այս միջոցառումները մեզ համար եվրոպական կրթական իրադարձություններին մասնակից լինելու հնարավորություն են: Դա նաև քաղաքական հնարավորություն է` այս միջոցառումների շնորհիվ օտարներին ծանոթացնելու Հայաստանին, նրա պատմությանը»,- ասել է ՀՀ կրթության և գիտության նախարար Արմեն Աշոտյանը` հավելելով, որ պետք է ապահովել ոչ միայն մասնագիտական, այլև մշակութային մեծ ծրագիր, որը հնարավորություն կտա Հայաստանը ներկայացնել եվրոպական տարածքում` որպես քաղաքակրթական ուրույն միավոր: