Հայկական բանակը տեղում չի դոփում. Սեյրան Օհանյան

ՀՀ պաշտպանության նախարար Սեյրան Օհանյանն այսօր` Վազգեն Սարգսյանի ծննդյան օրը, Եռաբլուրում լրագրողների հետ զրույցում կարևորեց սպարապետ Վազգեն Սարգսյանի դերը պետականության կայացման և բանակաշինության գործում:

«Ես ղեկավարում եմ մի կառույց, որի հիմքերը դրել է Վազգեն Սարգսյանը: Մեր բանակն այսօր անընդհատ կատարելագործվում է, այն մրցունակ է: Դրանով իսկ ստեղծվում են միջազգային երաշխիքներ` մեր անվտանգության առումով, որը և անդրադառնում է բանակի մարտունակության վրա, որը մենք տեսնում ենք մեր սահմանների պաշտպանությամբ»,- ասաց Սեյրան Օհանյանը:

Անդրադառնալով սահմանին տիրող իրավիճակին` նախարարը նշեց, որ այնտեղ, իրոք, լարված է վիճակը, սակայն մեր բանակը ցանկացած պահի արթուն է: «Պարբերաբար կրակոցները, հրադադարի ռեժիմի խախտումներն ավելանում են, սակայն դա վերահսկելի է»,- ասաց նա: