Պարզվում է՝ ԲՀԿ ղեկավարի պաշտոնում ՀՀԿ-ական պատգամավորը Քիմ Քարդաշյանին է տեսնում

ՀՀԿ-ական պատգամավոր Լևոն Մարտիրոսյանը երեկ` ԱԺ հայտարարությունների ժամին, հայտարարեց, թե ԲՀԿ ղեկավարի պաշտոնում մի խելացի կնոջ է տեսնում, ով ունի ԲՀԿ-ն ղեկավարելու բոլոր հնարավորությունները: Հիշեցնենք, որ նրա ելույթը մեծ աշխուժություն էր առաջացրել դահլիճում:

«Ո՞վ է այդ խորհրդավոր կինը»,- հետաքրքրվեցինք պատգամավորից: «Քիմ Քարդաշյանը»,- կատակով հարցին պատասխանեց պատգամավորը:

Հայտնի հումորիստ Գարիկ Մարտիրոսյանի պատգամավոր եղբայրն, ինչ խոսք, եւս փայլում է յուրօրինակ հումորով:

Պատգամավորին հարցրեցինք, իսկ եթե ավելի լուրջ, ո՞ւմ նկատի ուներ: Նա նախ ասաց, որ լուրեր են շրջանառվում Իրինա Քոչարյանի թեկնածության մասին, ով Ռոբերտ Քոչարյանի եղբոր դուստրն է, ապա հավելեց. «Եթե շրջանառվում է Իրինա Քոչարյանի անունը, ապա ուրախ կլինեմ, որ նա ղեկավարի ԲՀԿ-ն, որովհետև կարծում եմ, որ նա արժանի թեկնածու է»: