ԲՀԿ-ականները հանդիպել են վարչապետի հետ. մանրամասներ հանդիպման մասին

Yerkir.am-ի տեղեկություններով` ԲՀԿ-ականներն այցելել են կառավարություն և հանդիպել վարչապետ Հովիկ Աբրահամյանի հետ:

Yerkir.am-ի հետ զրույցում ԱԺ ԲՀԿ խմբակցության քարտուղար Նաիրա Զոհրաբյանը, ըստ էության, հաստատեց մեր տեղեկությունը: Նա ասաց, որ մի քանի ԲՀԿ-ական պատգամավորներ գնացել են կառավարություն՝ քննարկելու ՓՄՁ-ներին և տնտեսական ոլորտին առնչվող մի քանի նախագծեր:

Մեր հարցին, թե կառավարություն գնալու հիմնական դրդապատճառը տնտեսական ոլորտին առնչվող նախագծերի քննարկո՞ւմն է միայն եղել, նաև` ինքն է՞լ է գնացել կառավարություն, խմբակցության քարտուղարը պատասխանեց. «Մենք արդեն հայտարարել ենք, որ որևէ հարցի չենք պատասխանում»:

Իսկ ԲՀԿ-ական պատգամավոր Միքայել Մելքումյանը մեզ հետ զրույցում ասաց, որ ինքն անձամբ կառավարությունում բարձրացրել է տնտեսական ոլորտին առնչվող մի շարք հարցեր: Դիտարկմանը, թե Ստեփան Մարգարյանի, Վահե Հովհաննիսյանի այցի նպատա՞կն ինչ հարցերի քննարկմանն էր ուղղված, Միքայել Մելքումյանը պատասխանեց. «Այդ մասին իրենցից հարցրեք»: