Հայկը դանակահարել էր ընկերուհուն

Փետրվարի 18-ին, ժամը 00.40-ին, հիվանդանոցից ոստիկանության Մաշտոցի բաժնում հաղորդում էր ստացվել, որ «կրծքավանդակի ձախ կեսի հետին մակերեսի կտրած-ծակած թափանցող վերք» ախտորոշմամբ բուժօգնության է տեղափոխվել Նարինե Շ.-ն, որը, ըստ բժշկի տեղեկանքի` ի վիճակի չի եղել հաղորդում տալու:

Ոստիկանության ծառայողների ձեռնարկված օպերատիվ-հետախուզական միջոցառումների շնորհիվ պարզվել է, որ փետրվարի 17-ին, ժամը 23.00-ին, Երևանի Էստոնական փողոցի 11 շենքի բնակարաններից մեկում Նարինե Շ.-ին դանակով հարվածել և վնասվածքները պատճառել է նրա ընկերը` 1985 թ. ծնված Հայկ Ն.-ն, ով բերման է ենթարկվել և տվել խոստովանական ցուցմունք:

Հանցագործության գործիք դանակն առգրավված է:Հայկ Ն.-ն ձերբակալված է: Կատարվում է քննություն: