Աֆրիկայի ամենահարուստ մարդը, աշխարհահռչակ ֆուտբոլիստն ու Ամենայն Հայոց կաթողիկոսը

Արդեն տեղեկացրել ենք, որ Հետաքննող լրագրողների միջազգային կոնսորցիումը (ICIJ) երեկ գաղտնազերծել է HSBC բանկի շվեյցարական մասնաճյուղի հաճախորդների ցուցակները և հաշվեհամարները, որոնք խուսափում են հարկերից, թաքցնում միլիոնավոր դոլարների հասնող ակտիվներ, ինչը փողերի լվացման խողովակ է և, միաժամանակ, HSBC բանկին եկամուտ է բերում: Ցուցակում խոշոր չափի հաշվեհամար ունեցող անձանց շարքում էր Ամենայն Հայոց կաթողիկոս Գարեգին Բ-ն:

Թուրքական Haberler կայքն անդրադարձել է դրան` նշելով ցուցակում ընդգրկվածներիվ մի քանիսի անունները, այդ թվում` նաև Ամենայն Հայոց կաթողիկոսինը:

Թուրքական կայքում տեղ գտած ցուցակում են նաեւ Աֆրիկայի ամենահարուստ մարդը՝ Ալիկո Դանկոտը (ըստ «Բումերանգ»-ի), աշխարհահռչակ ֆուտբոլիստ Դիեգո Ֆորլանը  և այլք:

Ցուցակում տեղ է գտել նաև թուրք գործարար Սելիմ Ալգուադիշի անունը: Նա հաստատել է բանկում ունեցած հաշվի մասին տեղեկությունները: