Ֆրանսիայի ամենահարուստ մարդը հրաժարվել է Բելգիայի քաղաքացի դառնալու մտքից

Ֆրանսիացի միլիարդատեր Բեռնար Առնոն այսօր հայտարարել է, որ հետ է կանչել բելգիական քաղաքացիություն ստանալու` իր հայցադիմումը: «Ես երբեք չեմ ցանկացել լքել Ֆրանսիան, առավել եւս` խուսափել հարկեր վճարելուց»,- ասել է նա le Monde թերթին տված հարցազրույցում:

64-ամյա միլիարդատերը, որի կարողությունն, ըստ Forbes-ի, 2011-ին եղել է 41 մլրդ դոլար, վստահեցնում է, որ առաջնորդվել է բացառապես իր գործունեությունը Բելգիայում ընդլայնելու նկատառումներով: Սակայն «Ֆրանսիայում ստեղծված իրավիճակը հաշվի առնելով»` միտքը փոխել է եւ հետ կանչել հայցադիմումը` «ցանկանալով ցույց տալ իր նվիրվածությունը Ֆրանսիային եւ հավատը երկրի ապագայի նկատմամբ»: