Ամենահարուստ մարդը մեքսիկացի է

Մեքսիկացի մեդիամագնատ Կարլոս Սլիմը երկրորդ տարին անընդմեջ գլխավորում է երկրագնդի ամենահարուստ մարդկանց ցուցակը, որն այսօր հրապարակել է ամերիկյան «Ֆորբս» ամսագիրը: Գործարարի կարողությունը գնահատվում է 74 մլրդ դոլար՝ 20,5 մլրդ-ով ավելի, քան 2010 թվականին էր:

Երկրորդ հորիզոնականում իր դիրքերը պահպանել է «Մայքրսոֆթի» հիմնադիր Բիլ Գեյթսը, որի կարողությունը 56 մլրդ դոլար է:

«Բրոնզով» երկրորդ տարին անընդմեջ բավարարվում է աշխարհի ամերիկացի գործարար Ուորեն Բաֆեթը, որի կարողությունը 50 մլրդ դոլար է (անցյալ տարի՝ 47 մլրդ դոլար):

«Ֆորբսի» փորձագետները նշում են, որ ամերիկացի լեգենդար գործարարների «անհամոզիչ» արդյունքները բացատրվում են նրանց` բարեգործությանն ուղղված խոշոր ծախսերով: