Հնարավոր է` Ճոյտի «Հիշողություն» ֆիլմն առգրավվի

Ապօրինի ձեռնարկատիրությամբ զբաղվելու առթիվ հարուցված քրեական գործով, որում ԱԺ նախկին պատգամավոր Հակոբ Հակոբյանը (Ճոյտ) ներգրավված է որպես կասկածյալ, քննչական մարմինը աղմակահարույց «Հիշողություն» ֆիլմն առգրավելու որոշում կընդունի:

«Հայկական ժամանակ» օրաթերթի տեղեկություններով` քննիչը մտադիր է ֆիլմը ճանաչել որպես իրեղեն ապացույց և առգրավել դրա օրինակներն ու կցել քրեական գործին՝ որպես ապացուցողական նշանակություն ունեցող նյութ:

Այս կապակցությամբ Yerkir.am-ին ֆինանսների նախարարությունից հրաժարվեցին որևէ մեկնաբանություն տալ` բացատրելով, որ վերոնշյալը նախաքննական տվյալ է, և, նախաքննության գաղտնիությունից ելնելով, առայժմ տեղեկություններ տալ չեն կարող:

Նշենք, որ, նախատեսվածի համաձայն, «Հիշողություն» ֆիլմի շնորհանդեսը պետք է տեղի ունենա այս տարվա փետրվարի 10-ին: Եվ եթե քննչական մարմինը նման որոշում ընդունի, ապա ֆիլմի պրեմիերան այդպես էլ չի կայանա: