Պտտաձողից կախված զինծառայողը ռազմական ինստիտուտի կուրսանտ էր

Արդեն հայտնել ենք, որ այսօր առավոտյան`  ժամը 06:35-ի սահմաններում, Երևան քաղաքում տեղակայված N ուսումնական զորամասի մարզահրապարակում պտտաձողից պարանով կախված վիճակում հայտնաբերվել է նույն զորամասի զինծառայող Հայկազ Բարսեղյանի դին:

Yerkir.am-ի տեղեկություններով` մահացածը Արտաշատից էր և Վազգեն Սարգսյանի անվան ռազմական ինստիտուտի առաջին կուրսի կուրսանտ: Դեպքի առթիվ նախնական քննություն է ընթանում:

Նշենք, որ նույն ինստիտուտում 2013-ի հունիսի 1-ին` պահակակետի հերթափոխի ժամանակ, 3-րդ կուրսի կուրսանտ, պահակային Արմեն Մելքումյանն իրեն ամրակցված ինքնաձիգով կրակոց էր արձակել պահակադիր, նույն կուրսի կուրսանտ Սիփան Գագիկի Մովսիսյանի ուղղությամբ, ինչի հետեւանքով կուրսանտը մահացել էր: