Ըմբշամարտի Հայաստանի առաջնություն. առաջին օրվա արդյունքները

Վանաձորում ավարտվեցին հունահռոմեական ոճի ըմբշամարտի  Հայաստանի առաջնության մրցումային առաջին օրվա գոտեմարտերը: 59 կգ  քաշային կարգում Հայաստանի չեմպիոնի կոչումը  նվաճեց բազմափորձ Ռոման Ամոյանը, ով գլխավոր գոտեմարտում պարտության մատնեց Արթուր Մկրտչյանին:  

71 կգ քաշային կարգում անգերազանցելի էր Վարշամ Բորանյանը, ով եզրափակչում հաղթեց աշխարհի գործող չեմպիոն Արթուր Ալեքսանյանի ավագ եղբորը՝ Ռաֆիկ Ալեքսանյանին:

Անակնկալ չգրանցվեց նաև 80 կգ քաշային կարգում: Ոսկե մեդալի համար պայքարում Հրաչ Հովհաննիսյանը ուժեղ գտնվեց Էդգար Սարգսյանից:

98 կգ քաշային կարգում, Արթուր Ալեքսանյանի բացակայության պայմաններում, բոլորից ուժեղ գտնվեց  Վահե Սիմոնյանը, ով չեմպիոնական գոտեմարտում պարտության մատնեց Սարգիս Տոնոյանին: