2014-ի 11 ամիսների ընթացքում Հայաստան փոխանցված տրանսֆերտների ներհոսքը նվազել է 12 տոկոսով. «Ժողովուրդ»

«Ժողովուրդ»-ը գրում է. «Կենտրոնական բանկի հրապարակած վիճակագրական տվյալների համաձայն՝ անցած տարվա 11 ամիսների արդյունքներով արտերկրից Հայաստան փոխանցված տրանսֆերտների զուտ ներհոսքը (ստացված և ուղարկված գումարների դրական տարբերությունը) նվազել է շուրջ 12 տոկոսով՝ 152 միլիոն 705 հազար դոլարով:

Կոնկրետ անցած տարվա նոյեմբերին Հայաստան ուղարկված գումարների զուտ ներհոսքը կազմել է 72 միլիոն 834 հազար դոլար, սա այն դեպքում, երբ 2013-ին այդ ամսվա ցուցանիշը եղել 1120 միլիոն 219 հազար դոլար: Անկումը կազմել է մոտ 40 տոկոս: Դեկտեմբերի ցուցանիշը կհրապարակվի հունվարի վերջին, բայց կասկածից վեր է, որ այդ դեպքում անկումն ավելի մեծ կլինի»։

Մանրամասն՝ թերթի այսօրվա համարում: