Տարվա ամենամեծ սխալը` դատավճռի հիմքում վարկած դնելը

Yerkir.am-ի հարցերին պատասխանում է փաստաբան Լիպարիտ Սիմոնյանը:

-Ինչո՞վ էր առանձնահատուկ 2014-ը Ձեզ համար` կարիերայում, ընտանիքում:
-Ծնվեց քրոջս որդին:

-2014-ին իրավական ոլորտում արված ամենամեծ բարեփոխումը, որի դրական հետևանքներն ուղղակի զգալի էին:
-Բարեփոխում չեմ նկատել, առավել ևս` մեծ:

-Տարվա ամենամեծ սխալը, որը մեծ հարված հասցրեց արդարադատության համակարգին:
-«Հիմանավորված վարկած»-ը դատավճռի հիմքում դնելու հանգամանքը: (Այս տարի նրա պաշտպանյալը` «Մանանա Գրեյ» ընկերությունից 56 միլիոն դրամի գողությանն աջակցելու մեջ մեղադրվող Աշոտ Առուշանյանը առաջին ատյանի դատարանի կողմից դատապարտվել է 5.5 տարվա ազատազրկման, իսկ վերաքննիչ դատարանը դատավճիռը թողել է ուժի մեջ: Առաջին ատյանի դատարանը մեղադրանքի հիմքում դրել էր ոչ թե ապացույց, այլ վարկած):

-Ո՞րն է 2014-ի ամենաաղմկահարույց դատական գործը, որին հետևել եք, ի՞նչ հետևություններ կարելի է անել դրանից:
-Աշոտ Առուշանյանի գործը:

-Ամենամեծ հիասթափությունը տարվա ընթացքում:
-Աշոտ Առուշանյանի վերաբերյալ դատավճիռը և վերաքննիչի որոշումը:

-Սովորաբար շատ են զավեշտալի դեպքեր պատահում դատական նիստերի ընթացքում: 2014-ին պատահածներից ո՞րն էր ամենացնցողը:
-Ամբողջ դատական համակարգը:

-2015-ից Ձեր ակնկալիքներն ու մաղթանքը:
-Տարին երկու արդարացման դատավճիռներով ավարտեցի: Հույս ունենամ, որ 2015 թվականը այդպես էլ կշարունակվի: Խաղաղություն և արդարություն: