«Հայաստան» դաշինքի ցուցակով պատգամավորական մանդատս չեմ վերցնելու․ Հրաչուհի Միրզոյան

Ռազմավարական հաղորդակցությունների մասնագետ, Fabula Strategic Communications ընկերության հիմնադիր, տնօրեն, Mediamonitoring.am համահիմնադիր Հրաչուհի Միրզոյանը հայտնում է, որ «Հայաստան» դաշինքի ցուցակով ԱԺ պատգամավորական մանդատը չի վերցնելու։

«Ի պատասխան բոլորիդ հարցումների` տեղեկացնում եմ, որ «Հայաստան» դաշինքի ցուցակով ԱԺ պատգամավորական մանդատս չեմ վերցնելու»,- ասել է նա։

Նշենք, որ ԱԺ «Հայաստան»  խմբակցության պատգամավոր Թադեւոս Ավետիսյանը  2026 թ.-ի մարտի 26-ին հրաժարականի դիմում է ներկայացրել:  Նա ընտրվել է  Մրցակցության և սպառողների շահերի պաշտպանության հանձնաժողովի անդամի պաշտոնում: Ավետիսյանի թեկնածությունն առաջադրել էին ԱԺ «Հայաստան» և «Պատիվ ունեմ» խմբակցությունները: