«Մեկ անգամ եղել է նման խայտառակություն»

Yerkir.am-ի հումորային բլից հարցերին պատասխանում է ԱԺ ՀՀԿ խմբակցության պատգամավոր Մարգարիտ Եսայանը:

-Ամանորին, Ամանորի գիշերը շա՞տ խմեցիք:
-Ասում են՝ ահագին եմ խմել․․.

-Քանի՞ բաժակից եք հարբում:
-Ես բաժակից չեմ հարբում, լավ տրամադրությունից ու լավ գինուց:

-Ի՞նչն է օգնում դուրս գալ խումարից:
- Կրկին խմելը:

-Ամենաուրախ, ամենահիշվող Նոր տարին:
-Հիշում եմ' երբ ես ծնվեցի, ծնողներիս համար ամենաուրախ Նոր տարին էր:

-Իսկ ամենատխուրը:
- Երբ մայրս չկար:

-Ամենաթանկ ամանորյա նվերը (գումարի առումով), որ ստացել եք:
-Ինքս ինձ շատ թանկ օծանելիք եմ նվիրել, մտածեցի՝ ես էլ իմ ծնողների երեխան եմ:

-Ամենաօրիգինալ նվերը:
-Թոռնիկիս՝ Ցողի պատրաստած լամպը:

-Տոնը ստացված է, երբ...
-Բոլոր հարազատներդ կողքիդ են:

-Առանց ինչի՞ չեք պատկերացնում Ամանորի սեղանը:
-Առանց հացի:

-Ձեր հանդիպած ամենատպավորիչ Ձմեռ պապը:
-Մանկությանս Ձմեռ պապը' մեր հարեւան Համբարձում պապին:

- Ձյունանուշն առանց Ձմեռ պապի, ինչպես ...
-Հայաստանն առանց Արցախ:

-Ձյունանուշ լինելու բախտին երբեւէ արժանացե՞լ եք:
-Չէ, ես սիրուն երեխա չեմ եղել:

-Ամանորյա գնումներից հետո, մինչեւ հաջորդ աշխատավարձը, գրպանում գումար մնա՞ց:
-Չմնաց:

-Հետևեցի՞ք, թե ով որքան կերավ Ձեր՝ Նոր տարվա սեղանից:
-Անշուշտ (ծիծաղում է), մեկս մյուսիս մասին պետք է ամեն ինչ իմանանք, մի բուռ հայ ենք մնացել:

-Ամանորի սեղան գցելու գործում Ձեր բաժինը:
-Ես մոմերն եմ վառում:

-Եղա՞ն մարդիկ, որ մտքում հաշվեցին Ձեր ամանորյա սեղանի արժեքը:
-Եղած կլինեն, բայց դժվար գլուխ հանեն, մեր թվաբանությունը մի քիչ այլմոլորակային է:

-Միջինը քանի՞ բոնբոներկա եք նվիրում հյուր գնալիս:
-Ոչ մի, ես խմիչք եմ սիրում:

- Ձեզ նվեր բերված բոնբոներկան քանի՞ անգամ եք ուրիշին նվեր տարել:
-Մեկ անգամ եղել է նման խայտառակություն:

-Ինչպե՞ս կարելի է ապրել մարդավարի, եթե յուրաքանչյուր տարի որևէ կենդանու տարի է:
-Մարդն էլ է կենդանի:

-Ոչխարից ի՞նչ ակնկալիքներ ունեք:
-Մեծ ակնկալիքներ, հուսամ՝ գայլերի պակաս չի լինի:

Եվ վերջում' Մարգարիտ Եսայանի նամակը' ուղղված Ձմեռ պապիկին

Նամակ Ձմեռ պապին
Ձմեռ Պապի, ներիր, որ տարին մեկ անգամ ենք քեզ տուն թողնում: