Տեղի ունեցավ Հայաստանի ֆուտզալի և կանանց ֆուտբոլի մրցանակաբաշխությունը

Այսօր Հայաստանի ֆուտբոլի ֆեդերացիայի գրասենյակում տեղի ունեցավ ֆուտզալի Հայաստանի 2013-2014 թթ. մրցաշրջանի և կանանց ֆուտբոլի աշնանային մրցաշարի  մրցանակաբաշխությունը:

Մեդալներով պարգևատրվեցին ֆուտզալի Հայաստանի գործող չեմպիոն «Թալգրիգ», փոխչեմպիոն «Պոլիտեխնիկ» և երրորդ մրցանակակիր «Գյումրի» ակումբների ֆուտբոլիստները: Անցած մրցաշրջանի լավագույն ֆուտբոլիստի կոչմանն արժանացավ Արմեն Բաբայանը` «Թալգրիգ» թիմից, իսկ լավագույն ռմբարկուի մրցանակը ստացավ «Թալ Գրիգի» մեկ այլ ֆուտբոլիստ՝ Էդգար Կիրակոսյանը:

  Կանանց ֆուտբոլի 2014-2015 թթ. աշնանային ստուգողական մրցաշարում մեդալներով պարգևատրվեցին հաղթող  «Երևան-Գ.Մ.» թիմը, երկրորդ տեղը զբաղեցրած «ԱՖԴ-աղջիկներ» թիմը և երրորդ տեղն զբաղեցրած «Երևան-Լ.Հ.» թիմը: Մրցանակներ շնորհվեցին նաև տարվա լավագույն դարպասապահ, լավագույն պաշտպան, լավագույն կիսապաշտպան,  լավագույն հարձակվող, լավագույն ռմբարկու և լավագույն մարզիչ անվանակարգերում:

Մրցաշարի լավագույն դարպասապահ՝ Լենա Անդրեասյան «Երևան-Լ.Հ.»

 Լավագույն պաշտպան՝ Մարիամ Ստեփանյան «Երևան-Գ.Մ.»,

 Լավագույն կիսապաշտպան՝ Սոֆիկ Թորոսյան «Երևան-Լ.Հ.»,

Լավագույն հարձակվող՝ Լիանա Յագմուրյան«Երևան-Լ.Հ.»:

 Լավագույն ռմբարկու՝  Լուսինե Հովհաննիսյան «ԱՖԴ-Աղջիկներ»

Լավագույն մարզիչ՝  Գայանե Մկրտչյան «Երևան-Գ.Մ.»:

2014 թ. Հայաստանի կանանց ֆուտբոլի լավագույն մարզիչ ճանաչվեց Հայաստանի` մինչև 16 տարեկան աղջիկների հավաքականի գլխավոր մարզիչ Լիանա Հայրապետյանը: