Կիրակի օրը դեպի Թբիլիսի ուղևորվելիս ստացա վատ լուրը...Հասան Ջեմալ

Հայաստան այցից հետո Թուրքիա վերադարձած Հասան Ջեմալը երեկ ձերբակալված լրագրողների, այդ թվում` Zaman պարբերականի գլխավոր խմբագրի մասին իր առաջին հոդվածն է հրապարակել T24 կայքում:

Հասանը նկարագրել է Հայաստանից Թուրքիա իր ճանապարհորդությունը, որն, ըստ երևույթին, կատարել է մեքենայով:

«Կիրակի օրը` կեսօրին, խիստ մառախլապատ, ձնոտ լեռների միջով դեպի Թբիլիսի ուղևորվելիս ստացա վատ լուրը»,- այսպես է սկսել Ջեմալը ժողովրդավարության և ազատության մասին իր հոդվածը և պատմել, թե ինչպես է ճանապարհին զանգահարել Zaman պարբերականի գլխավոր խմբագիր Էքրեմ Դումանլըին, և ձերբակալությունից վայրկյաններ առաջ միմյանց հետ զրուցել են:

Ջեմալն անդրադարձել է նաև Samanyolu պարբերականի հրատարակչության ղեկավար Հիդայեթ Քարաջային, ով մեկն է դեկտեմբերի 14-ին ձերբակալվածներից: